मुख्यमंत्री फडणवीस, तर शिंदेच्या वाट्याला काय?
मुंबईत आज दुपारी वर्षा बंगल्यावर महायुतीच्या बैठकीची शक्यता. मंत्रिपदं वाटपावर चर्चा होण्याची शक्यता वर्तावण्यात आली आहे. भाजपच्या गटनेता निवडीनंतर मुख्यमंत्री ठरणार एकनाथ शिंदेंची माहिती. मुख्यमंत्री भाजपचाच होणार आणि एकनाथ शिंदेंना उपमुख्यमंत्री पद आणि केंद्रात कॅबिनेट मंत्रिपदाची ऑफर असं म्हटलं जात आहे.
29 Nov 2024, 22:41 वाजता
फेंगल चक्रीवादळ उद्या कोसळण्याची शक्यता आहे. दक्षिणेकडील राज्यांमध्ये रेड अलर्ट जारी करण्यात आल्याची माहिती भारतीय हवामान खात्याने दिली.
29 Nov 2024, 18:38 वाजता
नव्या राज्य सरकारच पहिलं अधिवेशन नागपुरात होणार असल्याने त्याच्या तयारीची लगबग सुरू झाली आहे. डिसेंबरच्या तिसऱ्या आठवड्यात नागपूरचे हिवाळी विधिमंडळ अधिवेशन होण्याची शक्यता आहे. मुख्यमंत्री,उपमुख्यमंत्री व संपूर्ण मंत्रिमंडळ नागपुरात असते. त्यामुळे संपूर्ण सरकारी यंत्रणा जोरदार कामाला लागली आहे.. विधानभवन परिसरात तयारींवर अखेरचा हात फिरवण्यात येतोय... सभागृहात सदस्यांसाठी अद्यावत यंत्रणा करण्यात येत आहे. शिवाय विधानभवन परिसरात सीसीटीव्ही ही बसवण्यात येत आहे. तर मंत्र्यांचे बंगल्यांची देखभाल व दुरुस्तीचे कामही जोरात सुरू आहे.
29 Nov 2024, 17:03 वाजता
नवी मुंबईतील कोपरखैरणे येथे पाण्याच्या जारची विक्री करणाऱ्या खाजगी दुकानावर ब्युरो ऑफ इंडियन स्टॅंडर्ड्स तर्फे धाड टाकण्यात आली आहे. परवानगी नसताना अनधिकृतपणे आयएसआय हॉलमार्क असलेल्या पाण्याचे जार विक्री करण्यात येतं असल्याची माहिती ब्युरो ऑफ इंडियन स्टॅंडर्ड्सला मिळाली होती. त्यानुसार अंशिता इंटरप्राईजेस या दुकानावर धाड टाकत विक्रीसाठी ठेवलेल्या आयएसआय हॉलमार्क असलेल्या पाण्याच्या जारवर कारवाई करण्यात आलेय.
29 Nov 2024, 15:52 वाजता
पुणे जिल्ह्यात विधानसभा निवडणुकीतील पाच पराभूत उमेदवारांनी निकालाच्या पुनर्पडताळणीसाठी अर्ज दाखल केले आहेत. या उमेदवारांनी पुनर्पडताळणी प्रक्रियेसाठी आवश्यक रकमेचा चलान देखील भरला आहे. हडपसर मधून पराभूत उमेदवार प्रशांत जगताप, शिरूर मधून अशोक पवार आणि खडकवासल्यातून सचिन दोडके, चिंचवड मधून राहुल कलाटे यांनी अर्ज दाखल केले आहेत. या चारही उमेदवारांनी राष्ट्रवादी काँग्रेस शरदचंद्र पवार पक्षाकडून निवडणूक लढवली होती. यासोबतच कॅन्टोन्मेंट मतदार संघातील काँग्रेसचे उमेदवार रमेश बागवे यांनी देखील निकालाच्या पुनर पडताळणीसाठी अर्ज करत चलान भरले आहे.
29 Nov 2024, 15:16 वाजता
पिंपरी चिंचवड मधील भाजप पदाधिकाऱ्यांना पिंपरी चिंचवड करांच श्रद्धास्थान असलेल्या मोरया गोसावी गणपती मंदिरात अभिषेक करत देवेंद्र फडणवीस मुख्य मंत्री व्हावेत असं साकडं घातलं. महायुतीचा घवघवीत यशात देवेंद्र फडणवीस यांचं मोठं योगदान आहे आणि महाराष्ट्राच्या विकासासाठी त्यांना मुख्यमंत्री करावं अशी भावना भाजपचे माजी खासदार अमर साबळे यांनी व्यक्त केली.
29 Nov 2024, 14:42 वाजता
जितेंद्र आव्हाड एकनाथ शिंदेंच्या भेटीला
जितेंद्र आव्हाड वर्षावर दाखल
जितेंद्र आव्हाड एकनाथ शिंदेंच्या भेटीला
जितेंद्र आव्हाड मुख्यमंत्र्यांच्या भेटीसाठी वर्षा निवासस्थानी दाखल.
भेटीचे कारण अस्पष्ट
29 Nov 2024, 13:58 वाजता
गोंदियामधील बस दुर्घटनेतील मृतांचा आकडा 10 वर पोहोचला
29 Nov 2024, 13:30 वाजता
गोंदियात शिवशाही बसचा अपघात; 5 ते 6 प्रवाशांचा मृत्यू, जखमींची संख्याही मोठी
गोंदिया जिल्ह्यातील सडक अर्जुनी-गोंदिया रोडवर शिवशाही बसचा अपघात. पाच ते सहा लोकांचा मृत्यू तर 30 ते 35 लोक जखमी असल्याची माहिती.
29 Nov 2024, 12:21 वाजता
सत्तास्थापनेच्या पार्श्वभूमीवर महायुतीची महत्त्वाची बैठक 2 दिवसांनी पुढे ढकलली
मुंबईत आजही महायुतीची महत्त्वाची बैठक होणार होती. या बैठकीत मंत्रिपद ठरण्याची शक्यता वर्तवण्यात येत होती. तर या सगळ्यात अशी माहिती समोर आली आहे की ही बैठक 2 दिवसांनंतर होणार असल्याचं म्हटलं जातं आहे.
29 Nov 2024, 11:42 वाजता
नव्या सरकारमध्ये किती महिला आमदारांची मंत्रिपदी वर्णी?
-नव्या सरकारमध्ये 4 महिलांची मंत्रिपदी वर्णी?-सूत्र
-भाजपकडून 14 महिला आमदार विधानसभेवर
-NCPच्या 4 महिला आमदार , शिवसेनेच्या 2 महिला आमदार विधानसभेवर
-मंत्रिपदासाठी महिला आमदारांचे प्रोफाईल मागवले-सूत्र
